Аб сустрэчы Амбасадара Беларусі Р.Есіна з мэрам горада Кіёта
30.07.2020 г.29-31 ліпеня 2020 года Амбасадар Рэспублікі Беларусь у Японіі Руслан Есін знаходзіцца ў рабочай паездцы па рэгіёне Кансай.
29 ліпеня кіраўнік дыіплматычнай місіі правёў сустрэчу з мэрам горада Кіёта – культурнай сталіцы Японіі – Дайсаку Кадакавай.
На сустрэчы бакі абмеркавалі магчымасць удзелу Кіёта ў беларуска-японскіх культурных мерапрыемствах, у тым ліку ў гастролях Нацыянальнага акадэмічнага тэатра імя Янкі Купалы, якія зараз прапрацоўваюцца.
Таксама абмеркаваны ўдзел Кіёта ў моладзевых абменах паміж Беларуссю і Японіяй пасля нармалізацыі эпідэміялагічнай абстаноўкі. У ходзе перагавораў асобна закранута тэматыка міжрэгіянальнага эканамічнага супрацоўніцтва.
