Патрабаванні да дакументаў

Пры звароце ў Пасольства па консульска-прававых пытаннях (выдача (абмен) пашпарта, афармленне пастаяннага пражывання за межамі Рэспублікі Беларусь, консульскі ўлік, выхад з грамадзянства Рэспублікі Беларусь, афармленне пасведчанняў на вяртанне ў Рэспубліку Беларусь, рэгістрацыя актаў грамадзянскага стану, здзяйсненне натарыяльных дзеянняў, выпатрабаванне дакументаў, выдача даведак і інш.) неабходна прытрымлівацца наступных патрабаванняў:

♦ заявы і анкеты павінны быць запоўненыя загадзя. Адсутнічае магчымасць запаўняць дакументы ў ходзе прыёму.

♦ усе палі заяў і анкет павінны быць запоўненыя — без пропускаў. Дакументы неабходна запаўняць на мове, на якім складзены бланк (выключэнне — адрас пражывання ў Японіі, Аўстраліі і Новай Зеландыі запаўняецца лацінкай). Калі звесткі адсутнічаюць, неабходна ўказваць «не»;

♦ дакументы, выдадзеныя ў Японіі, Аўстраліі і Новай Зеландыі, павінны быць апастылем (парадак афармлення дакументаў, выдадзеных ў iншых дзяржавах, вызначаецца міжнароднымі дамовамі Рэспублікі Беларусь). Апастыль можна праставіць ў кампетэнтным дзяржаўным органе названых краін;

♦ дакументы, складзеныя на замежнай мове (хаця б часткова), павінны быць перакладзены на беларускую або рускую мову;

♦ подпіс перакладчыка павінна быць заверана натарыяльна (беларускім натарыусам або консульскім супрацоўнікам Пасольства);

♦ пераклад павінен ўтрымліваць увесь тэкст арыгінальнага дакумента, перакладчык альбо заказчык не мае права скарачаць тэкст для перакладу;

♦ адны і тыя ж імёны і назвы на мове перакладу павінны супадаць ва ўсіх дакументахб якія прадстаўлены ў Пасольства;

♦ пераклад імёнаў у замежных дакументах павінен адпавядаць напісанню імёнаў у дакументах, выдадзеных у Рэспубліцы Беларусь;

♦ усе дакументы неабходна прад'яўляць з копіямі ў неабходнай колькасці. Калі не пазначана іншае, патрабуецца копія ўсіх старонак дакумента, уключаючы апастыль і пераклад;

♦ штампы і подпісы ў копіі дакумента павінны быць чытэльнымі, адпавядаць якасці арыгінала дакумента;

♦ капіяванай дакумент павінен цалкам размяшчацца ў межах ліста, без зрушэнняў за яго межы;

♦ для работы з заявамі некалькіх членаў сям'і неабходныя копіі павінны прадастаўляцца асобна да кожнай заявы.

Пры планаванні даты наведвання Пасольства просім улічваць неабходнасць папярэдняга запісу.